İÇİNDƏ 228 SƏRNİŞİN OLAN TƏYYARƏ YOXA ÇIXIB

İçində 228 nəfər olan sərnişin təyyarəsi okean üzərində yoxa çıxıb

Braziliyanın Rio de Janeyro şəhərindən Fransanın paytaxtı Parisə uçan “Airbus 330” tipli sərnişin təyyarəsi Atlantik okeanı üzərində yoxa çıxıb.
AFP-nin verdiyi məlumata görə, “Air France” şirkətinə məxsus təyyarə Bakı vaxtı ilə saat 11-də radardan itib. Parisin Şarl de Qoll hava limanından təyyarənin radioəlaqə sistemində nasazlıq yarandığını ehtimal etsələr də, bunun çox nadir hallarda baş verdiyini də etiraf ediblər. Təyyarədə 216 sərnişin və 12 ekipaj üzvü olub. Şarl de Qoll hava limanında qəza mərkəzi və “qaynar xətt” yaradılıb. /itv.az/