Bakıda Dünya seysmoloqları IV beynəlxalq konfransı keçirilir

Bu gün Bakıda dünya seysmoloqlarının IV beynəlxalq konfransı başlayır. “Azərbaycan ərazisinin seysmikliyi və böyük şəhərlərin seysmik riski” mövzusuna həsr olunmuş konfrans 3 gün davam edəcək. Milli Elmlər Akademiyasının Seysmoloji Xidmət Mərkəzindən Lent.az-a bildiriblər ki, tədbirdə ABŞ, Rusiya, Almaniya, Türkiyə, Rusiya, Özbəkistan, Bolqarıstan, Gürcüstan və digər ölkələrin seysmoloji xidmət orqanlarının nümayəndələri iştirak edir. Konfrans çərçivəsində Azərbaycanda və dünyada seysmoloji xidmət sahəsində görülən tədbirlər, yeraltı təkanların qeydə alınması sahəsində müasir texnologiyaların tətbiqinə dair seminarlar keçiriləcək.